Бизарен инцидент: Тенисери наместо да се поздрават се – степаа (ВИДЕО)

30 септември 2022 - 08:53

Тенисот важи за џентлменски спорт во кој противниците немаат физички контакт, поради што досега и немало инциденти на терените, нешто што беше „демантирано“ со случувањата на АТП-турнирот во францускиот град Орлеанс, каде што противниците на теренот по мечот наместо да се поздрават се – степаа.

Актери на овој бизарен настан беа домашниот тенисер Корентин Муте и Адријан Андреев (Бугарија), кои не само што ги вкрстија рекетите туку тоа го направија и со тупаниците. Победи Бугаринот со пресврт (2-6, 7-6, 7-6), што очигледно тешко му падна на Муте, кој исценира инцидент, откако прво се поздрави со противникот, а потоа и го удри со телото пред ситуацијата да ескалира.

Кој знае што сѐ можеше да излезе ако судијата брзо не се симнеше од својот стол и не ги раздвои воинствените тенисери, кои брзо потоа се смирија.