Багдатис прогнозира: Ѓоковиќ ќе оди во пензија кога ќе го освои Вимблдон

22 март 2025 - 16:23

Легендарниот тенисер Маркос Багдатис смета дека српскиот играч Новак Ѓоковиќ ќе замине во пензија ако го освои Вимблдон оваа година.

Поранешниот осми тенисер во светот е убеден дека Ѓоковиќ сè уште е во состојба да стигне до титулата на турнирот.

„Ѓоковиќ сака оваа година да го освои Вимблдон и да замине во пензија. Мислам дека тоа е неговата цел. Затоа го ангажираше Енди Мареј за тренер, па така и навивачите ќе бидат на негова страна“, кажа Багдатис.