Алкараз исто како и Ѓоковиќ го растури ривалот на стартот од ЛОИ во Париз!

Мечот траеше нешто повеќе од 70 минути, а епилогот беше очекуван со оглед што Шпанецот е трет тенисер во светот, додека Хабиб е дури на 275. позиција на АТП листата. Алкараз со еден брејк го освои првиот сет, додека во вториот беше далеку поубедлив и дури трипати му го одзеде сервисот на противникот.

Алкараз во второто коло ќе игра против подобриот од дуелот меѓу Холанѓанецот Талон Грикспор и Британецот Камерон Нори, а со оваа убедлива победа, актуелниот шампион на Вимблдон ѝ се „закани“ на конкуренцијата, особено на Новак Ѓоковиќ, кој му е најголем ривал за златниот медал. Србинот претходно денеска го совлада Австралиецот Метју Ебден со 6-1, 6-1.