Конечно: Договорен е спектакл меѓу Џошуа и Фјури

27 април 2026 - 15:40

Спектаклот што љубителите на боксот го чекаат долго време, борбата меѓу Ентони Џошуа и Тајсон Фјури според последните информации е договорена.

Според информациите борбата на двајцата британски тешкаши е закажана за последниот квартал од годината, односно во периодот меѓу октомври и декември, доколку не дојде до непредвидени околности.

Пред да влезе во рингот со Фјури, Џошуа ќе има уште една задача. На 25 јули во Ријад го очекува борба против Кристијан Пренга. Пренга има импресивен скор,21 победа во исто толку мечеви, од кои дури 20 со нокаут, што го прави сериозна пречка на патот кон големиот британски спектакл.

Атмосферата меѓу Џошуа и Фјури дополнително се вжешти по победата на Фјури над Арсланбек Махмудов, тогаш Фјури испрати порака до Џошуа. 

„Те повикувам, Ентони Џошуа, да се бориш со мене. Дали прифаќаш?“, порача Фјури пред публиката.

Џошуа на почетокот не сакаше да реагира, но подоцна возврати:

„Те победив кога бевме деца и пак ќе те победам. Јас сум шефот, ти работиш за мене“.