Боксерот со периката останал без коса откако се избањал со - крема за депилација!

02 февруари 2026 - 16:46

Американскиот боксер Џарел Милер се најде во центарот на вниманието на социјалните мрежи откако му падна периката среде борбата против Кингсли Ибех во „Медисон Сквер Гарден“. Милер тесно победи со одлука на судиите, но мечот ќе остане запаметен по бизарниот момент во втората рунда.

За време на жестоката размена на удари, Ибех го погоди Милер со аперкот, по што му падна периката од главата, сега боксерот даде објаснување зошто се појавил со перика и тоа е навистина бизарно.

„Дојдов кај мајка ми, а таа на масата имаше неколку шишиња. Мислев дека е шампон, па со тоа ја измив косата, но тоа беше крема за депилација и на два дена пред борбата останав без коса. Го повикав менаџерот и му реков да ми набави перика за борбата, јас сум некој кој сака да се шегува на своја сметка““, изјави Милер по борбата.