„Се почитуваме со Грците и немаме проблем со нив – политиката надвор од спортот!“

Македонската репрезентација кај јужниот сосед пристигна по убедливата победа над Луксембург (41-23) и ќе проба да го пробие бедемок во Халкида, каде што противникот во последните пет години има осум победи и само два порази. Селекторот Кирил Лазаров има голем респект за ривалот, а воедно посакува политиката да се најде надвор од теренот, знаејќи ги затегнатите македонско-грчки односи од последните децении.

„Ја почитуваме репрезентацијата на Грција, бидејќи во последните две-три години докажа дека има голем напредок. Очекувам многу тежок натпревар, бидејќи Грците двапати ја победија Холандија, а тоа воопшто не е лесно. Верувам дека ќе биде многу тежок натпревар и ако сакаме позитивен резултат ќе мора да одиграме многу добро. Тоа го знаеме. Сметам дека ќе биде добар натпревар, со почит кон фер-плејот и во спортски рамки. Тоа е спортот. Политиката мора да остане надвор од него. Се почитуваме меѓусебно. Имаме играно и пријателски натпревари и немаме никаков проблем со Грција. Има пријателска атмосфера, добро расположение и позитивна енергија, која екипа е подобра, таа ќе победи“, изјави Лазаров за грчките медиуми.

Во квалификациите за европските и светските првенства, овие две селекции се сретнале осум пати, при што Македонија доминира со шест победи наспроти двата триумфа на Грција