Алармот за пожар го разбуди Кил: Пешевски со три гола за Штутгарт
Натпреварот мораше да биде прекинат на стартот на второто полувреме и целата сала да биде евакуирана поради алармот. Кога се покажа дека тревогата е лажна, дуелот помеѓу Штутгарт и Кил продолжи.
Паузата подобро им дојде на гостите кои од 19-22 направија серија од 5-0. Иако Кил имаше убедливо водство, Штутгарт се разбуди, но немаше сили за пресврт, бидејќи на крајот загуби со минимални 34-35. Македонскиот репрезентативец Жарко Пешевски одигра одличен натпревар и постигна три погодоци од три шута за домашниот тим.
Вечерва во германскиот Куп настапи уште еден наш ракометар, а тоа е Мартин Томовски. Голманот имаше мала минутажа за Лудвигсхафен и забележа само една интервенција во поразот на неговиот тим од Лемго од 23-26.