Охрид не запира – се „поднови“ со репрезентативец на Македонија! (ВИДЕО)

15 октомври 2025 - 11:09

Без разлика што сезоната веќе е почната, екипата на Охрид не запира со ангажирање нови ракометари, откако денеска го промовира договорот со македонскиот репрезентативец, Томислав Јагуриновски.

Станува збор за ракометар кој игра како десно крило, но кој по потреба може да ја пополни и позицијата десен бек. Тој претходните две години ги одигра во дресот на Вардар, а летово направи трансфер во германскиот второлигаш Десау, каде што не се задржа премногу. Во кариерата има играно уште и за Металург, Работник, Пелистер, Пролет, како и за исландскиот тим Акурејри.

Јагуриновски беше дел од македонската јуниорска селекција на СП 2017, додека има собрано 11 средби за најдобриот национален тим, со 16 постигнати голови.