Најуспешниот македонски ракометен селектор влегува во бизнисот со струја!

Поранешниот селектор на македонската ракометна репрезентација, Звонко Шундовски влегува во бизнисот со електрична струја, откако решил да гради фотонапонска централа, објави „Фактор.мк“.

Шундовски во разговор со „Фактор.мк“ кажал дека ќе гради фотоцентрала која ќе има капацитет од еден до 2,3 мегавати, а проектот бил во почена фаза и сè уште се правеле анализи.

Ракометниот тренер беше селектор на ракометарите кои пред 11 години на Европското првенство го освоија петтото место, а исто така претходно ги тренираше Пелистер, Металург, ЧСМ Букурешт, Констанца и Ал Рајан од Катар.