Македонските кадети триумфираа над Фарски Острови и се пласираа на СП

06 август 2026 - 13:49

Македонската кадетска репрезентација триумфира против Фарски Острови со 34-32 во мечот од разигрувањето за пласман од деветто до 16. место на Европското првенство (ЕП) во Србија, а со тоа обезбеди и пласман на Светското првенство (СП) во 2027 година.

Кадетите на Македонија одиграа добро прво полувреме во кое беа поуспешни од ривалот со 18-13, а добро тргнаа и во вториот дел кога стигнаа до плус седум (24-17).

Фарски Острови успеа да возврати со неверојатна серија од 7-0 за да израмни на 24-24, но Македонија не дозволи пресврт и во финишот го скрши ривалот за победа од 34-32.

Стефан Ѓоргиевски беше најефикасен кај Македонија со осум голови, додека Скипаготу постигна 12 погодоци за Фарски Острови.

Фото: РФМ