Македонската репрезентација го освои 22. место на Европското првенство

Во борбата за 21. место, нашите ракометарки загубија со 25-40 што е петти пораз во осмиот натпревар на шампионатот. Голем дел од работата Романките завршија во почетната фаза од мечот, имајќи предвид дека по 20-тина минути игра, веќе водеа со 14-3. На полувреме беше 22-10, а во вториот делн македонската репрезентација ниеднаш не симна на едноцифрена негатива.

Ања Лашкоска со седум гола беше најефикасна во нашиот тим, Марија Димоска додаде пет, а Ивана Трифуноска и Мила Ристовска по четири. Во конечниот пласман, полошо пласирани од македонската репрезентација се само Турција и Фарски Острови, единствени кои ги победивме на овој шампионат.