Македонија ќе биде домаќин на квалификацискиот турнир за ЕП 2027 за кадетки

19 јуни 2026 - 16:40

Ракометната федерација на Македонија (РФМ) соопшти дека ќе го организира квалификацискиот турнир за Европското првенство (ЕП) за кадетки, а истиот ќе се одржи од 27 до 29 ноември годинава во Скопје.

Македонската кадетска репрезентација ќе игра во групата Б заедно со репрезентациите на Литванија, Косово и Грција.

Првите две репрезентации од групата ќе се пласираат на ЕП 2027, а дополнително ќе се пласира и најдобрата третопласирана селекција од сите квалификациски групи.