Македонија ја запиша првата победа на Медитеранскиот шампионат
По израмнетата прва третина (5-5), „црвено - жолтите“ одиграа далаку подобро во втората, во која ја направија клучната предност за победа (8-3). Уште на стратот од третиот период македонските ракометари постигнаа два брзи погодоци за водство од 15-9, а највисоката предност ја имаа некаде на средината на последниот дел кога поведоа со 17-11. До крајот нашите младинци малку попуштија пред се во одбраната, но во ниту еден момент не ја загрозија победата.
Инаку, попладнево Македонија одигра и против Шпанија, каде загуби со 21-14.
На турнирот има посебни правила, па наместо стандардните две полувремиња, тука се играат третини по 15 минути. Што се однесува до бодувањето, секој победник во третина добива по еден бод, а победникот на мечот добива два бодови, што значи дека Македонија моментно има четири бода, колку што освои во вториот натпревар.
Следен противник на Македнија е селекцијата на Тунис, меч кој ќе се одигра утре во 12 часот.