Бабиќ: Денеска Пелистер ништо не загуби!
Според Бабиќ, понатаму продолжил посреќниот тим. Е. Пелистер не ги искористи своите шанси кога требаше на овој меч, но и на првиот во Нашице, зашто на минута и пол до крајот имаше минус еден, а сепак успеа да загуби со 20-23, што се покажа клучно сега на реваншот.
“Честитки за Нексе, горд сум на своите момци и на клубот. Одигравме одличен натпревар со нашите навивачи кои не бодреа во текот на целиот натпревар. Денеска ништо не исгубивме, туку видовме што треба да поправиме во играта и како да се подготовиме за плеј-офот во македонската лига. Уште еднаш сакам да се заблагодарам на сите навивачите за страста и љубовта кон овој клуб. Сметам дека во следна фаза оди посреќниот тим”, изјави Бабиќ.
Особено жалат што нема да се сретнат со Вардар во четвртфиналето и да му ја покажат извонредната атмосфера во салата „Боро Чурлевски“ во Битола.
“Атмосферата беше неверојатна, горд сум на начинот што го претставивме нашиот клуб. Битола е ракометен град, но се надевам дека навивачите не одат разочарани дома, иако не се пласиравме во следната фаза”, рече Мирко Радовиќ, Црногорецот, кој постигна три гола.
Нексе и Вардар ќе се сретнат на 7 или 8 март во Нашице и на 14 или 15 март во Скопје.