Сензација во Нашице: Нексе го шокира големиот Кил!

28 април 2026 - 21:14

Ракометарите на Нексе го шокираа бундеслигашот Кил во Нашице со 33-30 во првиот натпревар од четвртфиналето во Европската лига на ЕХФ.

Домаќинот водеше од самиот почеток на натпреварот, па сè до стартот на вториот дел кога Кил успеа да влезе во ритам и да го сврти резултатот во своја корист (19-18). Сепак, Нексе успеа да најде сила и да ја врати предноста во своја корист, а потоа да продолжи да го полни голот на големиот Кил до конечни 33-30.

Најефикасен во победничкиот тим беше Тин Лучин со девет голови, додека голманот Марцел Јастржебски запиша 11 одбрани. На спротивната страна најдобри беа Харалд Рајнкинд и Расмус Анкерман со по пет голови.

Реваншот меѓу Нексе и Кил се игра за една недела во Германија.

Фото: Facebook/RK NEXE