Се јави и Раул: Парондо е супер!

04 октомври 2018 - 13:04

Одличниот старт на Вардар во Лигата на шампионите очигледно многу го радува и довчерашниот тренер, Раул Гонзалес, кој пратил честитки за неговиот наследник.

Селекторот на македонската репрезентација, по четири години во Вардар, уште е во контакт и во добри односи со луѓето од клубот, па по победата над Веспрем се јавил и тој.

„Парондо е супер!“, пратил честитка Раул од Париз до луѓето од клубот.

Парондо дојде во Скопје како помошник на Раул во репрезентацијата на Македонија, оттука јасен е нивниот пријателски однос. Новиот тим на Раул, пак, ПСЖ, како и Вардар, уште е со максимален ефект од почетокот на сезоната, држејќи го првото место во групата Б.