Пелистер се држеше 20 минути против Гумерсбах, па доживеа тежок пораз во Германија

13 октомври 2026 - 20:20

Ракометарите на Пелистер го запишаа вториот пораз во Европската лига на ЕХФ, откако вечерва загубија на гостувањето кај Губерсбах со 28-38 во третото коло од елитното натпреварување.

Пелистер имаше добар почеток на натпреварот и водство од 3-2, но потоа германскиот тим направи пресврт (5-3). Битолчани даваа отпор сè до 20. минута, по што Гумерсбах направи исчекор кон победата и на паузата водеше со 20-15.

Поранешниот македонски шампион не успеа на стартот на вториот дел да го скрши отпорот на Гумерсбах, кој потоа влезе во одлична форма и почна да го полни голот на битолчани за на крајот да слави со 28-38.

Најефикасен кај Пелистер беше Филип Кузмановски со седум голови, додека Душебајев запиша девет голови за Гумерсбах.

На вториот меч од истата група, Вибжеже Гдањск и Ла Риоха одиграа нерешено (30-30).