Норвешка ѝ се одмазди на Србија

12 март 2023 - 18:38

Ракометарите на Норвешка беа подобри од Србија со 35-25 во квалификациите за Европското првенство (ЕП) и така се одмаздија за поразот од пред неколку дена (24-25).

Норвежаните играа одлично од самиот старт на средбата и почнаа да го полнат голот на Србија, па така на полувремето заминаа со убедливи 17-12.

Нашиот северен сосед се обиде во вториот дел да ја намали негативата и тоа му успеа во првите минути кога намали на 15-19, но потоа Норвешка ја презема контролата и без мака славеше со 35-25.

Сандер Сагосен беше најдобар во победничкиот тим со 12 голови, додека Орбовиќ и Марсениќ постигнаа по четири за Србија.

Останати резултати:

Унгарија – Швајцарија 36-27
Словачка – Финска 32-25
Босна и Херцеговина – Косово – 25-18
Грција – Белгија – 26-24
Исланд – Чешка – 28-19