Најталентираната македонска ракометарка потпиша за францускиот Брест

22 март 2023 - 16:08

Македонската ракометарка Ива Младеновска потпиша договор со Брест Бретањ до 2027 година, а во редовите на францускиот тим ќе се пресели пред почетокот на следната сезона.

Младеновска го носи дресот на Металург во моментов, а досега има нстапувано и за кадетската, младинската и сениорската репрезентација на Македонија.

Најталентираната македонска ракометарка е петто засилување за францускиот клуб, кој претходно потпиша договори со Жулиет Фор, Валерија Маслова, Одри Дембеле и Шарлот Чолевова.

Ракометарките на Брест во моментов се на втората позиција во француската лига со 45 бодови, односно три помалку од лидерот Мец.