Фуксе Берлин го совлада Алборг, Нант загуби на гости кај Веспрем

18 септември 2025 - 20:38

Германскиот гигант Фуксе Берлин го совлада дански Алборг со 31-28, додека Веспрем го запиша првиот триумф во Лигата на шампиони (ЛШ) оваа сезона, откако го надигра Нант со 30-25.

Во првите 15 минути во Берлин се играше израмнето (7-7), по што Фуксе влезе во ритам и со 17-13 замина на полувремето.

Алборг не успеа да го загрози водството на Фуксе во вториот дел, па на крајот домашниот состав триумфира со 31-28.

Најефикасен во победничкиот тим беше Гидсел со осум голови, додека Јенсен и Арнолдсен постигнаа по пет за Алборг.

Унгарски Веспрем имаше добар почеток, но Нант најави дека ќе биде незгоден ривал и пред паузата стигна до 15-15.

Нант влезе во криза во нападот, а тоа знаеше да го искористи Веспрем за на крајот да триумфира со 30-25.

Најдобар во победничкиот состав беше Деска со осум голови, додека Леополд и Бос запишаа по пет гола за Нант.

На последниот меч вечерва, Спортинг Лисабон го совлада Кјелце со 41-37, а најефикасни беа Салвадор и Кошта со по девет голови.

Фото: Facebook/Füchse Berlin