ЕХФ: Пресвртот има име, а тоа е Никола Митревски! (ВИДЕО)

20 септември 2023 - 21:33

Европската куќа на ракометот му се поклони вечерва на македонскиот репрезентативен голман Никола Митревски, кој беше еден од клучните во џиновскиот пресврт на Порто, кој го победи Целје и покрај негативата од девет гола, на крајот со 30-29.

„Пресвртот има име, а тоа е Никола Митревски“, објави ЕХФ постирајќи две клучни одбрани на македонскиот голман од четирите што ги собра за 15 минути игра, кога Порто направи џиновска серија од 10-1 за да поведе, а на крај и да победи.