ЖРК Чаир се засили со една од најдобрите ракометарки во Турција!

27 мај 2023 - 09:50

Третопласираниот тим во македонското женско ракометно првенство, екипата на Чаир, најавува високи амбиции и за следната сезона, откако денеска го промовира досега најголемото засилување во клупската историја – турската репрезентативка, Севда Озкан.

Станува збор за една од најдобрите ракометарки во Турција во моментов, од која се очекува да биде лидер на чаирчанки во следниот период. Озкан е леворак бомбардер, која игра на две позиции и тоа на десен бек и на десно крило. Таа во Чаир доаѓа од екипата на Јенимахале Беледеси, а беше дел од репрезентацијата на Турција на неодамнешните два пријателски дуели против Македонија во Србија, кои завршија со минимални победи на противничките на жолто-црвените (25-24, 31-30).

ЖРК Чаир сезоната ја заврши зад шампионот Ѓорче Петров и зад Куманово, што значи дека обезбеди пласман во европските натпреварувања и за следната сезона.