Вардар ќе игра против Мулти Есенс, Пелистер ќе се соочи со Текстилец во Купот

22 ноември 2022 - 13:41

Денеска во просториите на Ракометната федерација на Македонија (РФМ) беа извлечени паровите од првото коло во Купот на Македонија.

Бранителот на титулата и поранешен европски првак, Вардар ќе почне против Мулти Есенс, додека нивниот ривал Пелистер ќе се соочи против Текстилец.

Победниците од овие натпревари ќе се соочат во четвртфинални групи и ќе бидат поделени во четири групи по четири екипи, додека натпреварите од елиминациското коло се играат на 10 и 11 декември.

Парови за елиминациското коло:

Вардар Неготино – Партизан Гевгелија
Тиквеш – Кичево
Јуниор КВ – Драчево
Алкалоид – Астраион
Голден Арт – Овче Поле
Аеродром – Пролет
Вардар – Мулти Есенс
Пелистер – Текстилец
Јехона – Бутел Скопје
Струга – Македонија Ѓорче Петров
Пелистер 2 – Шампион
Младост Богданци – Охрид
Скопје – Бисинов
Радовиш – Преспа
Куманово – Голден Арт 2
Прилеп – Металург РА