Прилепчани победија и во Битола за перфектен настап во плеј-аутот!

31 мај 2026 - 15:45

Ракометарите на Прилеп денеска го одиграа последниот натпревар за оваа сезона во македонската Суперлига, тие славеа на гостувањето кај Пелистер 2 со 28-24.

Тоа беше дуел меѓу двата најдобри тима во плеј-аут групата, а Прилеп покажа дека во моментов е подобар тим.

Интересно, двете полувремиња на овој натпревар завршија со идентичен резултат, беше 14-12, за вкупна победа од 28-24.

Убедливо најдобар во составот на Прилеп и воопшто на мечот беше Димитар Димитриоски кој постигна десет голови, во составот на Пелистер по седум голови реализираа Марковски и Шулевски.

Прилеп со оваа победа заврши перфектно во плеј-аутот односно ги доби сите десет натпревар кои ги одигра.