Пелистер ѝ објави „војна“ на РФМ: Ќе ги известиме меѓународните ракометни институции!

14 мај 2024 - 12:45

Македонскиот ракометен шампион Пелистер го изрази своето незадоволство поради најавените термини по ждрепката за Купот, според кои би имале само еден ден одмор ако се пласираат во финалето.

Полуфиналните натпревари ќе се играат во различни денови, па така победникот од првиот меч меѓу Алкалоид и Вардар ќе има еден ден повеќе за одмор пред финалето, а тоа не им се допадна на битолчани кои најавија дека ќе ги известат и меѓународните ракометни институции поради одлуката на Ракометната федерација на Македонија (РФМ).

Дуелот меѓу Алкалоид и Вардар се игра в четврток од 19.30 часот, додека еден ден подоцна ќе играат Тиквеш и Пелистер.