Официјално: Шпанец ќе го наследи Парондо на клупата на Вардар!
Станува збор за Давид Хосе Писонеро, 46-годишен поранешен репрезентативец на Шпанија, кој најмногу време како играч поминал во Ваљадолид, екипата која ја водел и како тренер во последните две сезони.
„Верувам дека клубот бараше некои карактеристики за наследник на Парондо во кои и јас се гледам себеси и стил на игра што јас го негувам. Јас сакам да работам секојдневно и да размислувам така и не гледам далеку пред себе. Горд сум што ќе бидам тренер на Вардар и што ќе бидам дел од Лигата на шампионите, изјави Давид Хосе Писонеро.
Со овој потег раководството на црвено-црните сакаше да продолжи да го негува стилот на ракомет кој почна уште со доагањето на Раул Гонзалес во 2014 година, а продолжи со Роберто Парондо. Останува Писонеро да почне да ја составува екипата, во која ќе останат повеќе ракометари, како Дибиров, Шишкарев, Чупиќ, Скубе, Стоилов, Криштопанс...