Металург го замени Поповиќ со Португалец

21 јули 2021 - 11:46

Металург на официјалниот веб-сајт го промовираше најновото засилување, Португалецот Улисис Рибеиро, кој доаѓа во Автокоманда како замена за Милан Поповиќ, кој го напушти тимот по завршувањето на договорот.

Рибеиро во минатата сезона играл за Хари Ап од Холандија, каде што запишал 13 настапи и постигнал 33 голови, а претходно го носел дресот на Мадеира и Сао Бернардо.

Португалскиот ракометар може да игра како лево крило, но и како среден бек, додека со Металург потпиша двегодишна соработка и стана нивно шесто засилување.

Екипата од Автокоманда претходно се засили со браќата бекови Њокас, пикерот Костадин Петров, голманот Димитар Бардаковски и средниот бек Бобан Каковски.