Комити ги оставија пелистерци без сон – огномет среде ноќ пред хотелот на битолчани! (ВИДЕО)

01 ноември 2026 - 08:05

Ракометната пресметка меѓу Вардар и Пелистер, најголемото балканско дерби закажано за денеска во 17.45 чадот почна со увертира - пред хотелот на гостите од Битола. 

Најверните навивачи на Вардар, популарните Комити, им приредија несекојдневно будење на сите од експедицијата на Пелистер - тие среде ноќ, пред хотелот во кој се сместени битолчани, направија огромна бучава со пиротехнички средства и со вистински огномет. Така, се погрижија ракометарите и стручниот штаб на Пелистер да имаат прилично немирна ноќ пред дуелот со големиот ривал.