Комити: Европскиот срам, продолжи во црвено-црниот храм!

28 септември 2024 - 21:57

Вардар славеше во македонското ракометно дерби против Пелистер со 27-24 во СЦ „Јане Сандански“, а од трибините доби голема поддршка од навивачката група Комити, кои имаа порака и за гостите од Битола.

За време на натпреварот навивачите истакнаа транспарент на кој пишуваше „Прво прашање оваа сабота: Кој ќе ја плати европската срамота“, а по мечот во Скопје испратија уште една порака до битолчани.

„Европскиот срам, продолжи во црвено-црниот храм“, објавија Комити на нивниот профил на социјалните мрежи.

Пелистер игра ужасно во Лигата на шампиони, односно минатата сезона ја заврши со 14 порази, а оваа сезона веќе запиша три порази по ред.