Ќе гори „Јане Сандански“: Распродадени билетите за дербито меѓу Вардар и Пелистер!

05 јуни 2025 - 16:41

Ракометното дерби меѓу Вардар и Пелистер в сабота од 19.30 часот ќе се игра пред полни трибини во спортскиот центар „Јане Сандански“, откако скопскиот гигант објави дека биле распродадени сите билети.

Вардар и Пелистер во директна пресметка ќе се борат за шампионскиот пехар во македонската Суперлига, откако пред неколку дена „црвено-црните“ триумфираа против битолчани во финалето на Купот на Македонија.

Двете екипи во моментов имаат по 19 бодови во Суперлигата, додека Алкалоид се наоѓа на третата позиција со 11 поени.