Хрватски репрезентативец ќе „спушта ролетни“ на голот на Пелистер!

01 август 2024 - 12:13

Македонскиот ракометен шампион Пелистер промовира уште едно засилување пред почетокот на новата сезона, а тоа е хрватскиот репрезентативен голман Филип Ивиќ.

Хрватот доаѓа Битола од редовите на Шамбери каде што бранеше во изминатите две сезони, а има и големо искуство од претходно со оглед на тоа дека играше во Хрватска, Полска, Германија, Словенија и Франција.

Ивиќ ја почна кариерата во Загреб, каде што играше шест години, по што се пресели во Кјелце и остана три сезони, а го носеше и дресот на Губерсбах и Цејле пред да се врати во татковината.