Данецот Нилсен го засили Пелистер

10 јуни 2023 - 14:17

Македонскиот ракометен шампион Пелистер денеска потпиша едногодишен договор со данскиот ракометар Андреас Јохан Нилсен, кој доаѓа од Морс и игра на позицијата кружен напаѓач.

Нилсен е висок 198 сантиметри и со своите настапи во данскиот прволигаш привлече голем интерес, но на крајот Пелистер го обезбеди неговиот потпис.

Данскиот ракометар претходно го носеше дресот на Нордсјеланд, а настапуваше и за младинските категории на репрезентацијата на Данска.

„Особено задоволство ни е што покрај Кисум, нашиот дрес ќе го носи уште еден дански ракометар во сезоната 2023/24, незаборавајќи ги убавите денови кои во нашата земја ги минаа Себастијан Хенеберг и Ларс Валтер, соопштија од Пелистер.