Атак по супер-засилувања: Вардар и Пелистер ќе профитираат од колапсот на Партизан!

. Со оглед на статусот на македонскиот шампионат како најсилна лига на Балканот и пошироко, скопските „црвено-црни“ и битолските „зелено-бели“ веќе работат на привлекување на најголемите ѕвезди од Белград кои добија одврзани раце за промена на средината, а развојот на ситуацијата будно го следат и екипите на Охрид и Алкалоид.

Во таборот на Пелистер, каде тренерот Лино Червар бара свежа крв по не толку убедливиот старт на сезоната, главна мета е најдобриот играч на Партизан оваа сезона, средниот бек Јоав Лумбросо. Израелецот игра во извонредна форма и изминатиов викенд ја предводеше својата репрезентација до сензационална победа на гости кај Словенија во квалификациите за ЕП 2028 година. Битолчани уште кон крајот на минатата година се обидуваа да го донесат во своите редови додека тој настапуваше за Динамо Букурешт, но тогаш белградскиот тим ја доби битката за неговиот потпис. Иако за неговите услуги постои сериозен интерес и од Франција, се очекува тој конечно да пристигне во македонскиот шампион.

Екипата на Вардар, пак, е пред потпис со повремениот српски репрезентативец Аљоша Дамјановиќ. Силниот лев и среден бек е предвиден како огромно засилување за тимот предводен од Иван Чупиќ, кој по елиминацијата од Лигата на шампионите каде остави одличен впечаток, сега ги насочува силите кон борбата за домашните трофеи и настапите во Лигата на Европа.

Овој масовен егзодус на играчите кон Македонија, како и заминувањето на Милош Кос во германскиот Вецлар, доаѓа како директна последица на хаосот кај српскиот шампион кој кулминираше со заминувањето на претседателот Милјан Жугиќ, распуштањето на Управниот одбор и раскинувањето на договорот на тренерот Раул Гонзалес, по што тимот привремено ќе го води Марко Павловиќ.