Несторовски игра во топ форма, повторно стрелаше за Славен Белупо! (ВИДЕО)

29 ноември 2025 - 20:10

Maкедонскиот фудбалер, Илија Несторовски и втор натпревар во низа беше стрелец за Славен Белуп и денеска ја погоди мрежата на Истра во ремито (1-1).

Тимот на Несторовски беше блиску до триумф по голот на прилепчанецот во финишот од првиот дел кој стрелаше од пенал.

Водството на гостите беше актуелно се до 91. минута кога Превљак погоди и обезбеди бод за својот тим.

Овој гол за Несторовски доаѓа по двата во претходното коло, па јасно е дека игра во супер форма.