Агон Елези се раздели со Горица и се враќа во Германија

19 јуни 2025 - 19:24

Од редовите на Горица ја потврдија разделбата со македонскиот дефанзивец Агон Елези кој така по шест месеци се враќа во редовите на Бохум.

Елези во хрватскиот тим настапуваше како позајмен фудбалер од Бохум кој оваа сезона не успеа да се избори за опстанок во Бундеслигата и наредната сезона ќе настапува во популарната Цвајт.

Засега не е познато какви се плановите на германскиот тим и дали ќе го задржи во своите редови за наредната сезона. Договорот кој го има Елези со Бохум е со важност до 2027 година.

Во својата кариера претходно Елези беше дел од Вараждин, Скендербег, Влазерими, Шкупи и Каен.