Не е губитник само Ливерпул: Обложувач загуби 11 илјади евра поради грешката на ВАР

02 октомври 2023 - 07:45

Еден од најмаркантните моменти на оваа сезона во Премиер лигата секако ќе биде поништениот гол на Луис Дијаз на мечот меѓу Тотенхем и Ливерпул кој на крајот скапо ги чинеше „црвените“ на гостувањето во Лондон.

Тимот од Енфилд загуби бод(ови) и можеби челната позиција на табелата, па нормално е тоа што два дена се зборува за голот што можеше да смени многу работи. Револтиран е и еден Англичанец кој поради тоа „паднал“ на тикетот вреден 9.510 фунти или околу 11 илјади евра.

 

 

На тикетот со влог од 10 фунти, тој прогнозирал дека Коди Гакпо, Сон и Луис Дијаз ќе постигнат голови, а картони ќе добијат Мекалистер, Удоги и Бисума. Да не беше поништен погодокот на Дијаз, сега тој ќе беше добитен и ќе планираше каде да ги троши парите. Затоа и не е изненадување неговиот бес.

„Некој ќе мора ова да го исплати“, напишал тој на Твитер, а во прилог го ставил и извинувањето од Судиската организација на Премиер лигата.