Масовна тепачка на „Торцида“ и „Бед Блу Бојс“ во Сплит (ВИДЕО)

03 мај 2025 - 10:22

Хрватските медиуми пишуваат дека утрово околу 9 часот во Сплит се судриле голем број навивачи на вечните ривали Динамо Загреб и Хајдук Сплит.

„Слободна Далмација“ објави дека пресметката била договорена меѓу „Торцида“ и „Бед Блу Бојс“, а во неа учествувале околу 200 лица.

Полицијата потврди дека се случил инцидент околу 9.15 часот, но веднаш реагирале за да спречат поголем хаос.

Вечното дерби меѓу Хајдук и Динамо е закажано за денеска од 16 часот. Тимот од Сплит е на делба на првата позиција со Риека и има 56 бодови, додека екипата од Загреб има 55 поени по 32 одиграни кола.