Инцидент во Австрија: Нападнат хрватски фудбалер, навивачи го начекале на бензинска пумпа

17 мај 2022 - 13:22

Навивачите на Рапид Виена го нападнале фудбалерот на Салцбург, Лука Сучиќ на бензинска пумпа во близина на Виена, откако нивната екипа загубила со 0-1.

Полицијата и Салцбург го потврдија инцидентот за медумите, а Рапид Виена го осуди насилството на навивачите.

Сучиќ поради дополнителните тестови за допинг морал да се враќа со член на стручниот штаб во неговиот автомобил, а кога застанал на бензинска пумпа, ги нападнала група навивачи.

Напаѓачите удирале по автомобилот и истуриле врз него некаква течност, но никој не бил повреден.