Го исклучија по инцидент со ривал, па зема метална шипка и тргна кон салата! (ВИДЕО)

21 март 2023 - 16:23

Карел Гузман предизвика сериозен инцидент на кошаркарски меч во Романија, кога на почетокот на втората четвртина беше исклучен, но тука не беше крајот на драмата.

Гузман сакаше да се истепа со Никола Марковиќ, а откако не му успеа тоа, замина од паркетот и зема метална шипка, по што сакаше да се врати на теренот.

„Кошаркарот, откако го напушти теренот, се однесуваше насилно. Ја напушти салата и тргна кон градилиште од каде што зема метална шипка и сакаше да се врати во салата. Во еден момент го запре соиграч, а потоа обезбедувањето му го одзема предметот“, соопшти полицијата.