Навивачите на ЦСКА скандираат "Бугари, Бугари" кон играчите на Македонија ЃП!

28 јули 2022 - 19:39

Ако првата македонско-бугарска пресметка пред една недела во Скопје помеѓу Македонија ЃП и ЦСКА мина без никакви провокации, денешното гостување на „лавовите“ во Софија донесе тешка провокација од приврзаниците на „армејците“ кон фудбалерите од Ѓорче Петров.

Во ек на затегнатите односи на Македонија и Бугарија и негирањето на македонскиот народ и македонскиот јазик од страна на источниот сосед, денеска на „Бугарска Армија“, приврзаниците на ЦСКА ги дочекаа фудбалерите на Македонија ЃП со скандирања – Бугари, Бугари.

Според информациите на „Д-Спорт“, фудбалерите на Македонија ЃП ги игнорирале повиците и воопшто не изреагирале на големите провокации од страна на приврзаниците на противникот.