Надал збунет: Не знаев дека можам да играм и ако сум позитивен на Ковид-19!
Шпанецот често го споменуваа како потенцијална „жртва“ на контактот што го имал со Беретини непосредно пред турнирот, но тој без проблем го одигра мечот од првото коло против Серундоло (3-1). Конфузијата во Лондон е до толку голема што и самите тенисери не знаат што треба да направат ако им се појават симптоми на коронавирусот.
„Кога се зборува за вака чувствителни работи, лесно е да се создаде недоразбирање. Информацијата која јас ја имам, а не знам дали е точна, е тоа дека играчот може сам да реши дали да се тестира. Одлуката е негова, но ако биде позитивен, јас тоа што го знам е дека не може да игра. Но, вие сега ми велите дека можеш да продолжиш со настапот дури и ако си позитивен, но навистина не знам, не би навлегувал во тоа. Знам дека можеш да одлучиш дали да се тестираш доколку не се чувствуваш добро. Јас се чувствувам добро и жал ми е за Беретини. Тој освои два турнири пред 'Вимблдон' и беше еден од фаворитите, – изјави Надал на прес-конференцијата по вчерашниот прв дуел во Велика Британија.