Тричковски го стресе Анортозис за триумф на АЕК Ларнака (ВИДЕО)

05 април 2021 - 18:10

Македонскиот репрезентативец Иван Тричковки ја продолжи неговата одлична форма во кипарското првенство откако денеска погоди против Анортозис за триумф на АЕК Ларнака од 2-1.

Анортозис постигна гол за предност од 1-0, по што домаќините израмнија на 1-1 во 60. минута, а набрзо Тричковски искористи едно додавање во казнениот простор и го матираше голманот на гостите за 2-1.

АЕК Ларнака се наоѓа на петтата позиција со 47 бодови, додека македонскиот фудбалер стигна до бројката од 13 голови сезонава.