Барди меѓу 20-те играчи во Ла Лига со најголем напредок по – вредност!
Барди според „Трансфермаркт“ сега има вредност од 20 милиони евра, а пред стартот на сезоната таа вредност му била 12 милиони евра и со ова зголемување на вредноста за дури осум милиони евра го сместила меѓу 20-те фудбалери кои најмногу напредувале во сезоната 2019/20.
Заедно со Барди во таа група е и соиграчот Кампања, а од другите фудбалери тука се Регулион, Рики Пуиг, Пау Торес, Унај Симон, Кубо, Асенсио, Менди, Семедо, Маркос Љоренте, Окампос, Диего Карлос, Ојарзабал, Куртоа, Ансу Фати...
Барди кој од 2017 година е дел од Леванте, кога дојде за 1,5 милиони евра од унгарски Ујпешт, брзо го сврте вниманието кон себе, а по рестартот на сезоната во Шпанија беше клучниот играч за втората најдобра сезона на својот тим и сега се поврзува(ше) со трансфер, а за него сериозен интерес има од Арсенал, Лацио, Фиорентина, Валенсија, екипи од Бундеслигата....
Инаку Барди во оваа сезона се запиша во историјата на Леванте како најдобар странец-стрелец.