Мурињо во свој стил: Лампард е добро момче, но денеска ќе загуби

22 декември 2019 - 14:30

Пред почетокот на дуелот на лондонските тимови Тотнем и Челси, кои попладнево треба да ги одмерат силите во рамки на Премиерлигата, менаџерот на „петлите“, Жозе Мурињо ги насмеа новинарите со изјава наменета за неговиот колега, а некогашен ученик, Френк Лампард.

Додека работеше како менаџер на Челси, Мурињо го тренираше Лампард и одлично го познава.

Јас секогаш ќе му бидам благодарен за тоа што го направи за мене како играч. Го сакам тоа момче, секогаш ќе го сакам, а се надевам дека ќе загуби в недела, кажа Мурињо и предизвика смеење кај новинарите кои беа присутни на прес-конференцијата.

Португалецот не мисли дека Челси е во криза, бидејќи е четврти во Премиерлигата, и се пласираше во осминафиналето од Лигата на шампионите.