Арачиновци пред дуелот со Башкими истрчаа со маици со ликот на Мемеди

Првиот натпревар од новото коло во Првата македонска фудбалска лига помеѓу Шкендија Арачиново и Башкими почна со една минута молк во чест Агрон Мемеди и Владимир Секуловски во текот на минатата недела ги загубија своите животи.

Домаќинот на средбата во Чаир пред натпреварот излезе и во дресови со ликот на Мемеди оддавајќи му посебна чест.

Мемеди во текот на кариерата остави трага во тетовската Шкендија каде што и работеше како член на стручниот штаб пред трагедијата. Покрај Шкендија го носеше дресот уште на Ренова и Металург, зад себе има и еден настап за репрезентацијата на Македонија.