Италија со пресврт ја нокаутира Франција, Англија ја надигра Хрватска (ВИДЕО)

12 ноември 2026 - 22:43

Фудбалерите на Италија триумфираа во дербито против Франција со 3-1, додека Англија славеше со 2-1 против Хрватска, а Шпанија ѝ пресуди на Чешка со 2-0 во петтото коло од Лигата на Нации.

Франција поведе со голот на Мајкл Олисе во 10. минута по грешката на Џанлуиџи Донарума, но набрзо Франческо Пио Еспозито стрелаше за израмнување.

Во воведниот дел на второто полувреме Себастијано Еспозито ја презема одговорноста да изведе пенал, но го промаши целиот гол на Мајк Мењан.

Италија, сепак, доаѓа до предност преку Давиде Фратези, додека победата ја потврди Франческо Еспозито од пенал во 75. минута.

Англија на „Вембли“ ја надигра Хрватска со 2-1, а головите ги постигнаа Морган Роџерс и Хари Кејн, кој стана и рекордер во националниот тим по број на настапи. На спротивната страна погоди Петар Сучиќ.

Шпанија ја совлада Чешка со 2-0 со головите на Алекс Баена и Марк Пубил.

Фото: Facebook/Nazionale Italiana di Calcio