Автогол на Педроса ја прекина серијата од шест победи на Лацио (ВИДЕО)

Гостите подобро го отворија натпреварот на стадионот „Диего Армандо Марадона“. Лацио уште во воведните минути создаде неколку опасни ситуации, а голманот Вања Милинковиќ-Савиќ мораше да интервенира по обидите на Густав Исаксен и Јосип Шутало.

Притисокот на тимот на Џенаро Гатузо вроди со плод во 28. минута. Тијани Нослин повлече брза контра и го проигра Давиде Фратези, кој навреме втрча во казнениот простор и со прецизен удар ја испрати топката во мрежата за водство од 1-0. За италијанскиот репрезентативец тоа беше четврти погодок сезонава. Наполи се обиде да одговори уште пред паузата, а најдобрата можност ја имаше Расмус Хојлунд. По додавањето на Матијас Оливера, Данецот се најде во одлична позиција, но голманот Христос Мандас успеа да ја спречи топката да ја мине гол-линијата.

Израмнувањето пристигна само три минути по почетокот на второто полувреме. Ноа Ланг испрати топка од левата страна, а во обид да ја спречи опасноста и да не дозволи Скот Мектоминеј да стигне до неа, Педраса несреќно ја испрати во сопствената мрежа за 1-1. По израмнувањето, Наполи тргна по целосен пресврт. Мектоминеј имаше добра можност, но Мандас одлично одбрани, додека голманот на Лацио подоцна го запре и Кевин Де Брујне во ситуација еден на еден. По одбиената топка, Реда Белахјане спречи нова опасност расчистувајќи ја пред гол-линијата. 

До крајот и двата тима имаа свои моменти, но резултатот не се промени. Лацио мораше да се задоволи со бод, со кој стигна до 29 бода и ја задржа водечката позиција на табелата, два повеќе од Рома пред натпреварот на Интер со Комо. Наполи, пак, остана на 15 бода и ја прекина серијата порази, но продолжи негативната низа без натпревар со чиста мрежа. Последен пат Лацио испушти бодови во Серија А уште во август од кога врза шест победи.