Одегард го скрши отпорот на Хал, Арсенал продолжува со победите! (ВИДЕО)

07 ноември 2026 - 17:55

Англискиот шампион Арсенал славеше со 1-0 против Хал, додека Фулам и Њукасл ги поделија бодовите (1-1) во 10. коло од Премиер лигата.

„Топчиите“ доминираа на теренот против Хал и долго време се обидуваа да ја пробијат одбраната на домаќинот, но во намерата успеаја дури во 72. минута кога Мартин Одегард го постигна единствениот гол на натпреварот.

Њукасл ја затресе мрежата на Фулам во 33. минута, но голот беше поништен од ВАР-технологијата.

Гостите до водство стигнаа преку Џејкоб Марфи во 80. минута, но радоста траеше само три минути бидејќи Родриго Муниз израмни на 1-1.