Македонија до 17 години го совлада Луксембург за први бодови во трката за ЕП

28 октомври 2026 - 17:33

Женската фудбалска репрезентација на Македонија до 17 години стигна до победа против Луксембург (1-0) во вториот натпревар од квалификацискиот турнир за Европското првенство (ЕП).

Македонија го постигна единствениот гол на натпреварот преку Глорија Тодорова уште на стартот на натпреварот, односно во втората минута.

Следниот натпревар на Македонија е закажан за сабота против Велс со почеток од 10 часот.

По две одиграни кола, Македонија има три бодови, колку и Грузија, додека лидер е Велс со шест поени.