Јувентус ремизира со Рен, шок за Марсеј во Австрија (ВИДЕО)

22 октомври 2026 - 20:50

Фудбалерите на Јувентус ремизираа против Рен (2-2), додека Олимпик Марсеј беше шокиран на гостувањето кај Штурм Грац со 0-1 во третото коло од Лига Европа.

Јувентус поведе со голот на Челик во петтата минута, но радоста не траеше долго затоа што Рен најпрво преку Тамари израмни на 1-1, а потоа од пенал во 43. минута преку Диа направи целосен пресврт (2-1).

„Старата дама“ го возврати ударот по еден час игра преку Волтемаде со удар од белата точка (2-2), а потоа постигна и трет гол, но истиот беше поништен поради офсајд.

Марсеј се враќа со празни раце од тешкото гостување во Грац, каде што загуби од домаќинот со 0-1, а голот го постигна Диаките во 13. минута.

Останати резултати:

Арарат – АЗ Алкмар 0-4
Динамо – НЕЦ 2-4
Ференцварош – Торенсе 4-1
Лех – Сандерленд 1-1
ОФИ Крит – Баер Леверкузен 0-2